 |
| Advertisement |
આ સમયનું વ્હેણ ટકવાનું નથી,
કષ્ટ છે તો એય રહેવાનું નથી .
બસ હવે ખુદનો ભરોસો રાખજે,
સત્ય છે તો લેશ ડરવાનું નથી .
હોય ગૂંચવણ તો પછી ઉકેલ કર,
અધવચ્ચેથી આમ ખસવાનું નથી.
જાતનો શણગાર પોતે છે સ્વયં,
અન્યના રંગોથી સજવાનું નથી.
જે મળી આવે સફર સંગાથમાં,
કોઇ ને પણ કયાંય નડવાનું નથી.
એ મળે અંજળવગર તો કયાં મળે?
યત્નથી તો કોઇ મળવાનું નથી.
લો બધી અટકળ તજી ચાલું હવે ,
ને વધુ તો કંઈ જ કહેવાનું નથી.
➖➖➖➖➖➖➖➖➖➖➖➖➖➖➖➖➖➖➖➖
